Priyanka Chopra: కూతురికి శ్లోకాలు నేర్పిస్తూ..ప్రియాంక చోప్రా క్యూట్ వీడియో వైరల్..

Priyanka Chopra: గ్లోబల్ స్టార్ ప్రియాంక చోప్రా తన చిన్నారి కుమార్తె మాలతీ మేరీ చోప్రా జోనస్‌తో కలిసి ఉన్న ఒక స్పెషల్ వీడియోను సోషల్ మీడియాలో పంచుకోగా, అది ప్రస్తుతం నెటిజన్లను విపరీతంగా ఆకట్టుకుంటోంది. ఈ వీడియోలో ప్రియాంక తన బాధ్యతాయుతమైన తల్లి కోణాన్ని, అలాగే ఎనర్జెటిక్ పాప్ కల్చర్ కోణాన్ని ఒకేసారి ప్రదర్శించి ఆకట్టుకున్నారు.

మంత్రాలు నేర్పిస్తున్న మమ.. డ్యాన్స్ ఫ్లోర్‌పై మమసిత

షేర్ చేసిన వీడియో ప్రథమార్థంలో ప్రియాంక తన ముద్దుల కూతురు మాలతికి పవిత్రమైన దుర్గా సప్తశతి శ్లోకాలను ఎంతో ఓపికగా, ప్రేమగా నేర్పిస్తూ సంస్కారవంతమైన తల్లిగా కనిపించారు. ఇక ద్వితీయార్థంలో గ్లామరస్ అవుట్‌ఫిట్‌లో ఒక పార్టీలో డ్యాన్స్ ఫ్లోర్‌ను ఊపేస్తూ ఎంతో ఉత్సాహంగా కనిపించారు. ఒకవైపు భారతీయ సంస్కృతిని కుమార్తెకు అందిస్తూనే, మరోవైపు తన వ్యక్తిగత లైఫ్‌ను ఎంజాయ్ చేస్తున్న ప్రియాంక మల్టీటాస్కింగ్‌పై అభిమానులు ప్రశంసల వర్షం కురిపిస్తున్నారు.

కుటుంబ విశేషాలు

అమెరికన్ పాప్ సింగర్ నిక్ జోనస్‌ను 2018లో వివాహం చేసుకున్న ప్రియాంక, 2022 జనవరిలో సరోగసీ ద్వారా మాలతీ మేరీకి జన్మనిచ్చారు. నిత్యం తన కుటుంబ విశేషాలను సోషల్ మీడియాలో పంచుకునే ప్రియాంక.. ఇటీవలే మాలతి తన నానమ్మ తో ఆడుకోవడం, ప్రియాంక నటించిన గుండే చిత్రంలోని పాటకు చిందులేయడం వంటి క్యూట్ వీడియోలను కూడా షేర్ చేశారు. హోమ్లీ మదర్‌గా, గ్లోబల్ ఐకాన్‌గా రెండు పాత్రలను సమర్థవంతంగా పోషిస్తున్న ప్రియాంక చోప్రా తీరును నెటిజన్లు విశేషంగా కొనియాడుతున్నారు.